Police Patrol car nga may karga nga drum nasangit sa vertical clearance sign board sang Ungka Flyover

ILOILO CITY — Nagtuga sang pagpugok sang trapiko sang nasangit ang police patrol car sa vertical clearance sign board sang Ungka Flyover mga kahapon, May 14.

Suno kay G Pinpin, isa sa mga nakalabay kag nakakita sa natabo, nagapasaka na sa flyover ang patrol car sang nasangit ang karga nga drum. Base sa ila nakita, iya sang Calinog Municipal Police Station ang patrol car.

Indi man maka-isol ang patrol car tungod madamo nga salakyan ang nagasunod sa iya.

Sa interview sang Aksyon Radyo Iloilo, ginpahayag ni Major Fernand Limbungan, hepe sang Calinog MPS nga halin sa Iloilo City ang patrol car kag pabalik na sa Calinog sang natabo ang insidente.

Ginbayaw na lang sang sakay ang sign board agud makalabay ang patrol car.

Nagpangayo sang pasaylo ang driver sang patrol car tungod nalipatan niya nga may karga sila nga drum kag nagtuga sang pagpugok sang trapiko ang natabo. — via Aksyon Farrah Mae Morano