Lapsag ginbilin sa kilid sang simbahan sa Tigbauan; bag nga may sulod nga diaper, gatas kag gamit nakita sa kilid sang bata

ILOILO— Ginplastar kag ginbilin ang lapsag nga babaye sa kilid sang simbahan sa Tigbauan kaina sang aga.

Suno kay Police Captain Alfred Mansoy, hepe sang Tigbauan Municipa Police Station, las-8 kaina sang aga sang nagguwa sa simbahan ang seminarista sang may nabatian nga hibi sang lapsag.

Nakita niya ang lapsag nga babaye nga ginbilin sa kilid sang simbahan.

May panapton ang lapsag, may ginasuksok nga diaper, kag may bag sa kilid nga sulod mga gamit, gatas kag bayo kag may ngalan “Anika Elise”

Ginabanta sa tatlo pa lang ka semana nga ginbun-ag ang lapsag, suno kay Mansoy.

Yara sa custody sang MSWDO ang bata kag ginakilala ang iloy sang bata. — Aksyon Farrah Mae Morano