ILOILO CITY — Mahimo pa nga maglupok ang vintage bomb nga nakutkutan sang construction workers sa Jaro Plaza mga las-11 kaina sang aga.
Ini ang nagguwa sa assessment sang Explosive Ordnance Disposal (EOD).
Suno kay Police Senior Master Sergeant Mary Lye Vencer, imbestigador sang Iloilo City Police Station 9 sa Jaro, 2 feet na ang nakutkot sang mga construction workers sang nakita ang 81 millimeter mortar nga vintage bomb.
Ginalantaw sang EOD nga rason sa pagkakutkot sang vintage bomb ang pagka-impon sini sa duta nga ginbuhos sa construction site. — Aksyon Maria Kayla Tingzon
