Trisikad driver nasapwan nga patay sa kilid sang karsada sa Gustilo, La Paz

ILOILO CITY — Patay na sang nasapwan sang mga residente ang trisikad driver sa kilid sang tiyangge sa Brgy. Gustilo, La Paz kagab-i, HUnyo 23.

Suno sa mga residente, las-5 kaina sang hapon ulihi nga nakita ang lalaki nga naga-inom sang makahulubog nga ilimnon.

Wala naman sila sang ideya kun ano ang rason sang iya kamatayon.

Ginpahayag ni Brgy. Kagawad Jenalyn Gaspar nga tumandok sang Passi City ang lalaki.

Masobra 30 ka tuig na nga nagabiyahe sang trisikad ang lalaki nga amo man ang ginahimo niya nga balay.

Ginpabutyag sang mga residente nga masami nila nga makita nga naga-inum ang trisikad driver.

Ginatinguhaan naman sang barangay officials nga mapalab-ut sa himata sang lalaki sa Passi City ang natabo sa iya. — via Aksyon Paula Elambayo