29 ka balay nasunog sa Magsaysay Village, La Paz
ILOILO CITY- Naglab-ut sa 29 ka pamilya ang apektado sang nagluntad nga sunog sa Brgy. Magsaysay Village, La Paz pasado las-2:30 kahapon, Oktubre 14.
Sa datos sang Iloilo City Social Welfare and Development Office, 18 ang totally-damaged; isa ang partially-damaged kag walo ang naga-arkila.
Padayon pa nga gina-imbestigaran sang BFP ang ginhalinan sang kalayo, samtang nagbilin sang P450,000 nga kahalitan ang sunog.
Ginbatak sa 3rd alarm ang sunog pasado las-2:39 sa hapon kag gindeklarar nga fire out las-3:58 sa hapon.
