90 ka mga balay sa Iloilo City nagkalaguba tungod sa epekto sang Bagyo Kristine — CDRRMO

Naglab-ut na sa 90 ka mga balay sa Iloilo City ang nagkalaguba tungod sa epekto sang bagyo Kristine.

Suno kay Mr. Darwin Papa, head sang Operations Division sang City Disaster Risk Reduction and Management Office (CDRRMO), 27 ka mga balay ang totally damaged samtang 63 ang partially damaged kag kalabanan yara sa coastal areas.

Kalabanan sang mga balay nga nagkalaguba suno kay Papa ang na-damage tungod sang mabaskog nga hangin kag nalab-ut sang balod.

Gin-report naman nga 55 na tanan ka mga kahoy ang nagkalatumba tungod sang mabaskog nga hangin, kag nagapadayon pa sulod ang mga impormasyon sa ila sa CDRMMO.

Sa subong, yara na sa 728 ka indibidwal ukon 172 ka pamiya ang nag-evacuate sa separado nga mga barangays sa siyudad. — via CDRRMO