ILOILO — Dead-on-arrival sa ospital ang 24-anyos nga lalaki sang nakabunggo sa pick-up sa Brgy. Santiago, Barotac Viejo pasado las-4:20 kaina sang hapon.
Suno kay Police Major Ciriaco Esquilarga, chief of police sang Barotac Viejo Municipal Police Station, nagasunod ang motorsiklo sa pick-up kag pakadto sa direksyon sang Ajuy.
Nagaguwa sa imbestigasyon sang police nga wala nagbahar ang motorsiklo samtang nagapa-U-turn ang pick-up gani nakabunggo.
Nakaagum sang patal nga pilas sa ulo ang biktima nga gintunaan sang iya kamatayon.
Detained sa Barotac Viejo Police Station ang driver sang pick-up.
Nagresponde ang Bureau of Fire Protection-Barotac Viejo kag police sa natabo.
