Masobra P500,000 nga balor sang suspected shabu na-recover sa ginakabig HVI sa buy bust operation sa Sibalom, Antique

Na-recover ang P595,000 nga balor sang suspected shabu sa buy bust operation sa Brgy. District III, Sibalom, Antique las-12:52 kaina sang kaagahon.

Ginkilala ang subject kay alyas Winwin 32-anyos, residente sang Brgy. Borocboroc, Valderrama

kag ginakabig sang police nga high value drug personality.

Suno kay Police Chief Master Sergeant Eric Capistrano, chief investigator sang Sibalom Municipal Police Station, nagahalin sa Tibiao, San Jose sa Antique kag Iloilo ang source sang illegal drugs sang subject.

Na-recover ang 4 sachets sang suspected shabu nga nagabug-at sang 85 grams.

Detained sa Sibalom Police Station ang subject samtang ginahulat ang resulta sang drug test sang nadakpan. — ARI trainee reporter Robert Nietes