P1.5 million nga balor sang suspected shabu na-recover sa buy bust operation sa Santa Barbara; 3 ka ginakabig high value drug personalities na-aresto

ILOILO CITY — Naglab-ut sa P1,564,000 nga balor sang suspected shabu ang na-recover sa tatlo ka mga ginakabig high value drug personalities sa buy bust operation sa Brgy. Zone 2, Sta. Barbara kagab-i, Agosto 7.

Sa operasyon sang Regional Police Drug Enforcement Unit, na-recover ang 230 grams nga kabug-aton sang suspected shabu sa mga subject.

Sa nakuha nga impormasyon sang Aksyon Radyo Iloilo, konektado ang mga subject sa pamilya Prevendido kag Gregori nga kilala nga drug personalities sa Mandurriao. — Aksyon Paula Elambayo