ILOILO — Naglab-ot sa P4,420,000 ang balor sang suspected shabu ang na-recover sa drug buy bust operation sa sulod sang restaurant sa Barangay Padios, Sara las-7:57 subong nga gab-i.
Suno kay Police Lieutenant Gabriel Manguera, deputy chief sang Provincial Drug Enforcement Unit (PDEU), main subject sa operasyon si alyas Brok-brok, 37-anyos nga residente sang Brgy. Bancal, Carles kag upod niya sanday alyas Anthony kag Dexter nga nagaserbe niya bodyguards.
Ginpabutyag ni Manguera nga ang mga subjects na lang ang yara sa sulod sang restaurant kag wala sang ideya ang tag-iya sang natabu ang transaksyon.
Magluwas sa illegal nga druga nakuha kay Dexter ang 9mm caliber revolver.
Tatlo ka sachets kag apat ka dalagko nga pinutos sang suspected shabu nga ginabanta nagabug-at 650 grams ang nakumpiskar sa operasyon.
Pasakaan man sang kaso nga obstruction of justice ang mga upod sang subjects nga kanday alyas Conny kag Bianca tungod ginpunggan ang mga police sa pagkuha sang illegal nga druga sa subject. — Aksyon Maria Kayla Tingzon
