Guwardya nakuhaan sang masobra tunga sa milyon nga balor sang suspected shabu sa Pototan; subject nagaserbe nga courier sang mga drug personalities suno sa Police

ILOILO — Nagaserbe nga courier sang illegal drugs sang mga drug personalities sa Pototan ang 24-anyos nga security guard nga nadakpan sa buy bust operation sang Philippine Drug Enforcement Agency (PDEA) 6 sa Brgy. Polot-an, Pototan kahapon, Sept. 8.

Ini suno kay Police Major Bryan Alamo, hepe sang Pototan Municipal Police Station.

May impormasyon halin sa komunidad nga naga-engage sa ilegal nga aktibidad ang subject nga si alyas Masoy gani gin-monitor tubtob nga nadakpan.

Sa pagpangusisa sang police, may utod nga drug surrenderer ang subject.

Ginpabutyag ni Alamo nga ma-coordinate sila sa PDEA 6 agud mahibaluan ang iban nga detalye sa nadakpan.

Sa operasyon sang police, na-recover ang 75 grams sang suspected shabu nga nagabalor sang P510,000.

Yara sa kustodiya sang PDEA 6 ang nadakpan. — Aksyon Paula Elambayo