ILOILO — Naglab-ut sa P473,969 nga balor sang suspected shabu ang na-recover sa 23-anyos nga subject sa buy bust operation sang Station Drug Enforcement Team-Balasan Municipal Police Station sa Brgy. Poblacion Norte, Balasan kahapon, Sept. 8.
Suno kay Police Lieutenant Luzel Macaroncio, officer-in-charge sang Balasan Municipal Police Station, isa ka bulan gin-monitor si alyas Intong nga residente sang Purok Maya, Balasan.
Na-recover sa subject ang tatlo ka dalagku nga sachets sang suspected shabu nga nagabug-at sang 69.7 grams.
Ginahibalo pa sang police ang iban nga detalye sang subject sa pag-engage niya sa illegal drugs.
Preso sa Balasan Police Station ang subject. — Aksyon Paula Elambayo
