ILOILO CTY — Dakup ang pintor kag labandera sa buy bust operation sa Brgy. Our Lady of Lourdes, Jaro kagab-i, Sept. 12
Suno kay Police Captain Roque Gimeno III, officer-in-charge sang Iloilo City Drug Enforcement Unit, mahapos na para sa mga nadakpan ang pagbaligya sang illegal items tungod naga-ipingay lang ang mga kabarangayan sa siyudad.
Si alyas Lana nga labandera ang main subject sa operasyon samtang dakup man ang ginahimo niya nga “runner” nga si alyas Toto nga pintor.
Sa monitoring sang police, nakaagi na nadakpan kag napreso may kaangtanan sa illegal drugs si Lana nga ang area of operation sa Brgy. Our Lady of Lourdes, Bolilao, kag Bakhaw.
Tungod sa impormasyon halin sa komunidad, na-monitor sang isa ka bulan ang main subject.
Nabaklan sang isa ka sachet sang suspected shabu ang main subject sa balor nga P3,000.
Nagabalor sang P204,000 ang anum ka dalagku nga sachet sang suspected shabu nga na-recover. — Aksyon Paula Elambayo
