ILOILO — Nagalinapta na ang mga baligya sa sulod sang canteen sang Santa. Barbara National Comprehensive High School sang nadiskubrehan sang manager sang canteen kaina sang kaagahon.
Magluwas sa mga nagalinapta nga baligya, gin-vandalize man ang sulod sang canteen kag ginsulatan sang “wala kamo pulos” kag iban pa nga binastos nga tinaga.
Suno kay Police Captain Raphy Seneres, gintuklab ang pwertahan nga gin-agyan sang mga nagsulod sa canteen.
Ginpabutyag man sang hepe nga wala sang may nadula nga mga baligya.
Gina-imbestigaran pa sang police ang motibo sang naghimo sini. — Aksyon Angel Mae Ciudad
