6,061 ka pamilya ang apektdo sa paglaslas sang bayo Ramil halin sa 14 ka kabanwahanan sa Western Visayas.
Base ini sa record sang Regional Disaster Risk Reduction and Management Council (RDRRMC) 6 as of la-1 kahapon, Oktubre 19.
May pinakamadamo nga apektado nga pamilya ang Capiz nga may 3,307. Ginsundan ini sang Iloilo nga may 2,728; kag Aklan nga may 26.
Sa subong may 1,789 pa ka mga pamilya ukon 5,856 ka mga indibidwal ang nagapabilin sa mga evacuation centers—13 ang halin sa Aklan, 1,315 sa Capiz, kag 416 naman sa Iloilo.
Gin-report man sang RDRRMC 6 nga may duha ka Napatay sa Capiz tungod sa baha.
Isa ang halin sa Roxas City nga ginkilala kay Rizaldo Balgos, 44-anyos samtang gin-report man nga napatay ang 22-anyos nga si Mary Mae Urdelas nga taga-Brgy. Malocloc Sur, Ivisan, Capiz.
Sa record naman nga nakuha sang Aksyon Radyo sa Capiz Provincial Disaster Risk Reduction and Management Office, tatlo ang na-record nga napatay sa Capiz.
Magluwas sa duha ka mga nalumos sa baha may isa pa ka gin-report nga napatay tungod nakuryente. – source | RDRRMC VI
