ILOILO — Arestado ang 26-anyos nga hinablos sang ginsunog ang balay sang iya tiyo sa Brgy. Dorog, sa bayan ng Leon kagab-i.
Suno kay Leon MPS officer-in-charge, Police Captain Martin Pugales, naakig ang suspek sang wala siya ginpahulam sang motorsiklo sang iya tiyo.
Ginpahayag ni Pugales nga naka-inom sang makahulubog nga ilimnon ang suspek sang nagpauli sa ila balay gani wala ginpasugtan sang tiyo nga mag-drive sang motorsiklo.
Tungod sini, nagsulod sa balay sang iya tiyo ang suspek kag ginsunog ang foam sang katre kag nakita ini sang iya utod gani nagpangayo sang bulig.
Isa ka balay ang totally damaged, samtang isa ang partially damaged.
Wala sang may napilasan sa insidente. Gin-aresto ang suspek sang matulugan siya sa barangay gym kag gindala sa police station.
