ILOILO — Nagapabilin sa ospital ang 53-anyos nga mangunguma nga ginlabo sang iya upod sa ilimnan sa Barangay Salngan, Passi City mga las-9 kagab-i, Enero 31.
Suno kay Police Lieutenant Charina Pagmanoja, Deputy Chief of Police for Administration sang Passi City Police Station, samtang naga-inom nagbaisay ang biktima nga si alyas Rick kag ang tiyo sang suspect nga si alyas Tol, 28-anyos.
Ginsaway sila ni Tol pero wala namati ang duha gani nagkuha siya sang binangon kag ginlabo sa liug kag ulo si Rick.
Gindala sa Western Visayas Medical Center (WVMC) si Rick kag estable na ang kundisyon.
Gilayon naman nga nadakpan si Dol kag natalana pasakaan sang kaso nga frustrated homicide. — Aksyon Maria Kayla Tingzon
