ILOILO — Kinaha sang gin-abandonar nga peke nga sigarilyo ang nakuha sang Sara police sa Barangay Latawan las-6:23 kagab-i, Pebrero 24.

Sa report sang kapulisan, may confidential agent nga nagpahibalo sa ila nga may ginbilin nga kinaha sang mga sigarilyo sa lugar.

Nakit-an sa lugar ang 250 ka kaha sang sigarilyo nga sang gin-verify sa Department of Trade and Industry wala ini nakarehistro.

Naglab-ot sa P162,500 ang balor sang nakumpiskar nga mga sigarilyo nga yara na sa kustodiya sang Sara police. — Aksyon Maria Kayla Tingzon