ILOILO— Naglapaw kag nahulog sa kanal ang delivery van nga may karga nga feeds sa Barangay San Jose, Tubungan la-1 kaina sang hapon.
Halin sa Iloilo City ang van nga nag-deliver sang feeds sa Tubungan. Pakadto na kuntani sa Igbaras ang van sang na-aksidente.
Suno kay Police Captain Lunelyn Talamillo, hepe sang Tubungan Municipal Police Station, nagapasaka na ang van sa takladon nga porsyon sang dalan pero wala nakontrol sang driver ang manibela.
Sang nagkambiya ang driver, wala ini nagsulod gani gani nag-atras pero naglapaw sa kanal tubtob natumba sa kilid sang karsada, suno sa pulis.
Wala napilasan ang driver kag pahinante sang van. — Aksyon Farrah Mae Morano
