ILOILO— Nasapwan nga patay na kag may pilas sa ulo ang 37-anyos nga e-bike driver sa Brgy. Bolilao, Dumangas las-2 subong nga hapon.
Ginkilala ang biktima kay Elmer Bais Simbahon, residente sang amo ma nga lugar.
Suno kay Police Major Kenn Albert Lepsia, hepe sang Dumangas Municipal Police Station, nakita sang iya amay ang biktima nga nagakaya na sa tunga sang talamnan nga may pilas sa tuo nga butkon kag wala nga mata.
Ginapatihan suno kay Lepsia, nga pilas sang pagkabuno ang nakita sa lawas sang biktima kag indi pilas sang pagkatiro.
Sa initial nga imbestigasyon, las-4 kaina sang kaagahon sang nagbiya sa balay sang iya amay ang biktima kag wala na nakapauli.
May person of interest na ang pulis sa krimen kag gina-follow up na.
Daan nga hiligut-anon ang motibo sa krimen, suno sa pulis. — Aksyon Farrah Mae Morano
