Tumandok nga matambag lang kuntani sa inaway sang duha ka grupo sa baylehan sa San Joaquin, patay sang ginsumbag kag ginbuno sang pangayaw

ILOILO— Patay ang tumandok sang ginsumbag kag ginbuno sang pangayaw sa baylehan samtang nagaselebrar sang bisperas sang kapistahan sa Brgy. Baybay, San Joaquin las-11:30 kagab-i.

Suno kay Police Captain Isagani Tabares, hepe sang San Joaquin Municipal Police Station (MPS), nag-inaway ang duha ka grupo sa baylehan sang nagtambag si alyas Carlo, 21-anyos nga residente sang amo man nga lugar.

Pero imbes mag-untat, nasumbagan si Carlo nanday alyas Junel, 29-anyos sang Iglilico, San Joaquin; kag alyas Renel, 24-anyos sang Siwaragan, San Joaquin.

Gintiro naman ang biktima ni alyas Francis, 27-anyos sang Siwaragan, San Joaquin.

Gindala pa sa ospital ang biktima pero napatay.

Isa lang ka grupo ang mga suspek nga mga pangayaw samtang kontra nila ang mga biktima nga tumandok.

Istrikto nga gina-check kon may dala nga hinganiban ang mga nagasulod sa baylihan pero gab-i na kag nagsulod ang mga involved sa inaway, suno kay Tabares.

Preso na ang mga suspek. — Aksyon Farrah Mae Morano