6 ka mga pusil gin-surrender sang barangay official sa mga pulis sa San Joaquin, Iloilo

ILOILO – Anum ka mga pusil ang gin-surrender sang barangay kapitan sa San Joaquin Municipal Police Station sang Abril 23.

Lima ka .38 caliber short revolvers kag isa ka 5.5mm improvised break-type short firearm lunsay wala sang serial numbers kag mga unod nga bala ang gin-surrender sa kapulisan.

Ginpabutyag sang Police Regional Office 6 (PRO 6) nga nagapakita ini sang pagsalig sang publiko sa masangkad nga kampanya sang kapulisan batuk sa illegal nga aktibidad kag pagtapna sa krimen.

“This voluntary surrender highlights the growing trust and cooperation between our communities and the police. We encourage other firearm holders to follow this example and either surrender unlicensed firearms or ensure their proper registration. Our collective efforts are crucial in maintaining peace and order.’’ suno kay Police Brigadier General Josefino Ligan, regional director sang PRO 6.

Yara sa kustodiya sang San Joaquin Municipal Police Station ang mga gin-surrender nga pusil.