ILOILO — Naglab-ot sa 126 grams sang illegal drugs ang na-recover sa drug bust operation sa Poblacion West, Oton, la-1 kaina sang hapon.
Suno kay Police Lieutenant Colonel Arnel Solis Officer-in-Charge sang Oton Municipal Police Station, madugay na nila nga target ang subject nga si alyas Nonoy, 35-anyos residente sang Poblacion South, Oton.
P850,000 nga balor sang suspected illegal drugs ang na-recover kay Nonoy nga naka-custody na sa Oton Police Station.
Samtang, nagpanugyan si Solis sa mga naga-engage sa illegal drugs sa Oton nga mag-untat na tungod wala ini sang maayo nga mahatag sa ila pangabuhi. — Aksyon Angel Mae Ciudad
