Tiyo patay sang ginbuno sang iya nga hinablos sa Barotac Viejo

ILOILO— Patay ang tiyo sang ginbuno sang iya nga hinablos sa Brgy Natividad, Barotac Viejo sang Mayo 7.

Suno kay Police Captain Francisco Batallones, hepe sang Barotac Viejo Police Station, may okasyon sa ila pamilya kag upod nga naga-inom ang suspek nga si Noriel, 43-anyos kag biktima nga si Jessy, 50-anyos.

Posible may indi na pag-intindihanay ang duha tungod pareho sila nga naka-inum, suno sa pulis.

Nag-una pauli ang biktima para maglikaw kag nagpauli man ang suspek, pero nag-abtanay sila sa dalan, suno sa pulis.

Nakibot na lang ang ila mga himata nga nagapangayo na sang bulig ang biktima kag may pilas sa sulok-sulok.

Gindala pa sa ospital ang biktima pero gindeklarar nga dead-on-arrival.

At-large naman subong ang suspek. — Aksyon Farrah Mae Morano