ILOILO CITY — Napuhag ang mga nagabakal kag nagalagaw sa sulod sang Festive Walk Mall sang gintiro sang security guard ang naga-obra sa fish section sa Savemore kahapon, Mayo 10.
Suno sa nakakita, nagapila siya sa cashier sang nakita nga gintiro sang security guard ang naga-obra sa fish section sang Savemore sa Festive Walk Mall.
Tungod sa kakulba, nagdalagan paguwa sa supermarket ang mga tawo.
Yara na sa kustodiya sang mga pulis ang security guard.
Sa impormasyon, naga-istoryahanay ang security guard kag ang biktima sang gulpi lang nabatian ang lupok sang pusil.
Nagresponder ang mga personnel sang Mandurriao police kag ang SWAT sa lugar.
Gindala sa ospital ang biktima nga may igo sa kilid sang iya lawas. — Aksyon Angel Mae Ciudad
