Driver sang motorsiklo patay sang nabungguan sang awto sa Tigbauan

ILOILO — Dead-on-arrival sa ospital ang driver sang motorsiklo nga nabungguan sang awto sa Barangay Atabayan, Tigbauan kaina sang aga.

Ini ang ginkumpirmar ni Police Captain Alfred Mansoy, hepe sang Tigbauan Municipal Police Station.

Sa imbestigasyon, halin sa proper sang Tigbauan ang motorsiklo nga ginamaneho ni alyas Louie. Samtang, halin naman sa siyudad ang driver sang awto nga ginamaneho sang 57-anyos nga taga-Guimbal.

Pag-abot sa Brgy. Atabayan, naglapaw sa iya nga linya ang awto gani nakabunggo sa kasugata nga motorsiklo.

Gindala pa sa ospital ang driver sang motorsiklo pero napatay.

Gin-hold naman sang pulis ang driver sang awto. — Aksyon Angel Mae Ciudad