ILOILO— Liwat naman nga nga nakakumpiskar sang minilyon nga balor sang illegal nga druga ang City Drug Enforcement Unit (CDEU).
Sa Brgy. Bakhaw, Mandurriao na-recover ang ginabanta 220 grams sang suspected shabu nga may standard drug price nga P1,496,000.
May na-recover man nga .38 revolver cylinder loaded sang bala.
Subject sang operasyon si alyas JR, 46-anyos sang Brgy. Bakhaw, Mandurriao.
Suno kay CDEU head Captain Roque Gemino III, nabudlayan sila sa pag-operate sa subject tungod indi dali-dali nga makasulod sa lugar ilabe na kon pangayaw ang matransaksyon
Samtang naga-operate kaina, nagapanawag pa si “Inday Orbe” nga source sang illegal drugs sang subject.
Ginatinguhaan na subong sang pulis nga makakuha sang civilian informant para ma-operate ang source kag ang nabilin nga upod sang subject sa Bakhaw, Mandurriao man. — Aksyon Farrah Mae Morano
