7 sa 16 ka pasahero napilasan sang nahulog sa gutter kag nagtakilid ang ginasakyan nga L300 van sa Zarraga

ILOILO—Pito sa 16 ka mga pasahero sang L300 van ang napilasan sang nagtakilid sa Barangay Dawis Sur, Zarraga, las-12:30 sang udto.

Suno kay Police Captain Beverly Cataluna, hepe sang Zarraga Municipal Police Station, halin sa Capiz ang salakyan kag pakadto kuntani sa Iloilo City.

Pag-abot sa lugar, nag-overtake ang van sa ginasundan nga salakyan gani nahulog sa gutter kag nagtakilid.

Ginalantaw sang pulis nga nagkuha sang buylo ang driver kag nadulaan sang kontrol sa pagmaneho ang driver tungod posible madasig ang pagmaneho.

Nakaagum sang minor injuries ang pito ka mga sakay sang van. Wala naman napilasan ang 34-anyos nga driver. —Aksyon Farrah Mae Morano