4 ka Ilonggo athletes halin sa Concepcion kag Carles naghimo sang record sa Palarong Pambansa 4x100m relay

Bugal sang Iloilo kag bilog nga Western Visayas ang apat ka elementary girls nga naghimo sang record sa Palarong Pambansa sa Agusan del Sur.

Sa 4x100m relay Elementary Girls, ginguba nanday Trixia Anne Arellano sang Concepcion, Maria Athena de Guiño, Norlyn Bedo kag Princesa Lyn Yanson sang Carles ang daan nga record sang nakatapos dalagan sa kadasigon nga 51.79 seconds, mas madasig sa 2015 record nga 52.44 seconds.

Nagaserbe nga trainer kag coaches sang mga atleta kanday Rey John delos Reyes, Leone Tiosayco kag Benedicto Prasas.