Iloilo City Hall kag Provincial Capitol ginpuhag sang bomb threat

ILOILO — Ginpuhag sang bomb threat ang Iloilo city hall kag provincial capitol kahapon, Hunyo 15.

Nag-ugat ini sa post sang Facebook account ni “Djbobzkie Montero” sa diin ginapakadto kanday Governor Defensor kag Mayor Treñas-Chu sa City Hall kag Capitol para mapatay na suno sa iya.

Temporaryo pa nga gin-lockdown ang capitol kag naghimo sang security sweep ang mga personnel sang Philippine National Police Regional Explosive Ordnance Disposal and Canine Unit 6 kag wala sang nakita nga bomba.

Naghimo man sang Security inspections sa Iloilo City Hall kag wala man sang maty nakita nga bomba.

Gin-anunsyar sang mga capitol officials ang pagpatuman sang heightened security measures sugod subong nga adlaw kag ginhaylo ang publiko nga magkooperar sa mga otoridad sa pag-implementar sang precautionary protocols.