ILOILO — Dead-on-arrival sa ospital ang backrider sang motorsiklo nga natulugan sang nahulog sa Barangay 14 Poblacion, San Miguel kahapon sang aga, Hunyo 14.
Suno kay Police Lieutenant Cheril Lopez Garolacan, Deputy Chief sang San Miguel Municipal Police Station, halin sa Iloilo City kag papuli na sa ila balay sa Alimodian ang 53-anyos nga driver sang motorsiklo kaupod ang iya pakaisa nga amo ang backrider.
Pag-abot sa Brgy. 14 Poblacion, San Miguel, nadulaan sang kontrol sa ginamaneho nga motorsiklo ang driver nga si alyas Will. Tungod natulugan ang iya pakaisa nga si alyas Rome, nahulog kag nalampos ang iya ulo sa karsada.
Wala sang suksok nga helmet si Rome, suno sa pulis.
Samtang, gindala sa ospital si Will tungod sa mga pilas sang natumba ang motorsiklo. — Aksyon Angel Mae Ciudad
