ILOILO — Napatay samtang ginabulong sa ospital ang barangay tanod sang gintiro sa Barangay Malag-it, Calinog la-1 kaina sang kaagahon.
Suno kay Police Captain Melvin Mercado, officer-in-charge sang Calinog Municipal Police Station, nagalakat papuli sa ila balay, halin sa namatyan ang biktima nga si alyas Nonoy, 45-anyos nga residente sang amo nga barangay, sang gintiro sang wala pa makilala nga suspetsado.
Nakaagum ang biktima sang duha ka pilas sa tiyan nga naglapos sa likod kag may yara man sa abaga.
Lima ka basiyo sang caliber 45 ang na-recover sang kapulisan sa lugar.
Daan nga hiligut-anon ang ginasundan nga motibo sa krimen kag may person of interest na. — Aksyon Maria Kayla Tingzon
