ILOILO — Patay ang 11-anyos nga bata nga lalaki, samtang pilason ang 25-anyos nga lalaki sang nakuryente sa ginhiwat nga Foam Party sa Esplanade 1, Brgy. Poblacion. Banate la 1:30 kaina sang kaagahon.
Ginkilala ang napatay kay alyas Prince, samtang si alyas Kent ang pilason, lunsay residente sang Peoples Village, Brgy. Magdalo, Banate.
Indi magparyentihanay ang duha ka mga biktima suno sa pulis.
Suno kay Police Lieutenant Maria Cherry Demarana sang Banate Municipal Police Station ginkordon sang steel kag lubid ang area agud wala sang may makapalapit sa stage sa ginhiwat nga foam party may kaangtanan sa fiesta sang banwa.
Apang wala matalupangdan sang mga nagabantay nga nagsuhot sa kordon ang duha ka biktima tubtob nakita sang DJ sa stage nga nakuryente ang duha sang natapakan ang basa nga wire.
Gindala sa ospital ang 11 anyos apang napatay, samtang na-revive naman sang nagresponder nga pulis ang 25 anyos kag estable na ang kondisyon.
Nagpasalig ang mayor sang banwa nga buligan ang pamilya sang napatay. — ARI trainee Romel Lavilla
