ILOILO —Na-recover ang calibre .38 revolver sa bag sang Grade 10 student sa sulod sang eskwelahan sa Barotac Nuevo.
Gilayon nga gin-report sang school authorities ang insidente sa pulis.
Ginpaidalum naman sa child-sensitive intervention process ang 15-anyos nga child in conflict with the law (CICL) kag gin-forward sa Department of Social Welfare and Development (DSWD).
Samtang yara sa kustodiya sang Barotac Nuevo Municipal Police Station ang .38 caliber revolver kag anum ka bala.
Gindayaw ni PBGEN Randulf Tuaño, director sang Police Regional Office 6 ang mga opisyal sang eskwelahan sa pag-report sa insidente.
“Ang pinaka-importante diri amo nga nagpabilin nga luwas ang aton mga estudyante kag mga maestro. Ginapakita sang sini nga insidente nga epektibo ang maayo nga koordinasyon sang aton mga eskwelahan kag kapulisan. Kon may makita nga sitwasyon nga mahimo makaapekto sa seguridad sang aton kabataan, importante gid nga ini dayun maireport sa otoridad agud malikawan ang posible nga peligro,” suno kay Tuaño. — Aksyon Farrah Mae Morano
