PASSI CITY – Patay ang 59-anyos nga mangunguma sang gintiro sa Sitio Lunoy Brgy. Cabunga, Passi City kahapon sang kaagahon.
May igo sang bala sa tiyan ang biktima nga si alyas Nonoy.
Suno sa pamilya, samtang nagakatulog may nabatian sila nga lupok gani gilayon nga gin-check sa guwa kon ano ang natabo. Sang nakaguwa, didto kag nakit-an ang biktima nga may igo na sang bala.
Masobra tatlo pa lang ka bulan nga nakapauli ang biktima sa lugar gani wala sang may nahibaluan nga motibo sa pagpatay ang pamilya.
Gindala sa punerarya ang biktima nga ipa-autopsy.
