ILOILO—Masobra tunga sa milyon ka pesos nga balor sang suspected shabu ang na-recover sa duha ka high value individual drug personalities nga nadakpan sa drug buy bust operation sa Brgy Pulao, Dumangas.
Nadakpan kanday Hulsey, 43-anyos sang Brgy Tabucan, Dumangas, kag Samuel, 36-anyos sang Brgy. Tambobo, Dumangas.
Suno kay Police Major Kenn Albert Lepsia, hepe sang Dumangas Municipal Police Station, naga-updanay lang ang duha sa pagbaligya sang illegal nga druga.
Indi pa mabuyagyag sang mga pulis ang source sang illegal drugs sang mga subjects.
Na-recover ang ginabanta 75 grams sang suspected shabu nga may Standard Drug Price nga P510,000.
