ILOILO — Isa ang patay samtang isa ang pilason sang nabungguan sang depasahero nga jeep sa Barangay Cabugao Sur, Pavia kagab-i.
Suno kay Police Major Bonifacio Alabe Jr., hepe sang Pavia Municipal Police Station, naglabay sa railway ang jeep nga may ruta nga Pavia-Iloilo City kag vice versa.
Sa imbestigasyon, nabungguan sang jeep ang nagalakat sa kilid sang karsada nga kanday Reuben, 22-anyos kag Jamaica, 24-anyos nga tumandok sang Negros Occidental.
Pagkatapos sini, na-side swipe pa gid sang jeep ang naga-park nga motorsiklo kag nagdiretso sa balay.
Ginhingagaw dala sa ospital ang duha pero gindeklarar nga dead-on-arrival si Reuben, samtang estable na ang kondisyon ni Jamaica.
Gin-detain naman sa Pavia police station ang 46-anyos nga driver sang jeep.
Sa pagpangusisa sang pulis, naglain ang pamatyag sang driver, nablangko gani na-aksidente. Nakaagi man sadto suno sa pulis nga nadulaan sang animo ang driver samtang nagabiyahe.
