ILOILO CITY — Ginabanta sa 110 grams sang suspected shabu nga nagabalor sang P748,000 ang na-recover sa drug buy bust operation sa Zone 1, Brgy. Boulevard, Molo.
Subject sang operasyon si Randy, 48-anyos nga construction worker kag residente sang amo man nga lugar.
Suno kay Police Captain Roque Gimeno III, chief sang City Drug Enforcement Unit (CDEU) na-recover kay Randy ang 19 ka sachet sang suspected shabu.
Sa anay drug personality nga nadakpan man sa drug buy bust operation nagakuha sang supply sang shabu ang subject.
