Masobra ₱2-million nga balor sang illegal drugs na-recover sa drug bust operation sa Cabatuan

ILOILO — Arestado ang 41-anyos nga High Value Individual (HVI) sa Barangay Jelicuon Montinola, Cabatuan kahapon, Hulyo 10.

Na-recover sa subject nga si alyas Jourgeen, ang tatlo ka dalagku nga sachets sang suspected nga shabu kag isa ka gagmay nga sachet nga amo ang buy bust item.

Suno kay Police Major Dadje Delima, head sang Provincial Drug Enforcement Unit (PDEU), halin sa Criminal Investigation and Detection Group (CIDG) ang impormasyon nga naga-engage sa illegal drugs si Jourgeen.

Gin-surveillance nila ang subject tubtob nga nahimo ang operasyon.

Sa kabug-usan, 340 grams ang na-recover nga illegal drugs nga may market value nga P2,312,000.00.