ILOILO— Nadakpan sa drug buy bust operation sa Brgy. Ortiz, City Proper ang ila first kagawad nga si Joemarie Villa.
Suno kay Captian Roque Gimeno III, chief sang City Drug Enforcement Unit (CDEU), madugay na nila nga gina-target si Kagawad Villa pero mabudlay dakpon.
Bisan sang OIC pa si Gimeno sa Iloilo City Police Station 1, na-monitor na ang aktibidad sang kagawad pero nahadlok ang mga pumuluyo sa paghatag sang impormasyon.
Nagaserbe nga bodegero sang shabu ang subject kag naga-supply sa mga parokyano sa ila nga lugar, suno kay Gimeno.
Sa idalum lang sang iya nga balay naga-ruru ang luyag magbakal sang illegal drugs, suno pa kay Gimeno.
Indi naman mabuyagyag sang pulis ang source sang illegal drugs sang subject tungod gina-follow up na nila.
Na-recover sa subject ang 330 grams sang suspected shabu nga may standard drug price nga P2,244,000.
