ILOILO — Makaligad ang duha ka tuig nadakpan na ang driver sang sports car nga nag-hit-and-run sa mag-asawa sa Barangay Pandac, Pavia sang Hunyo 1, 2024.
Ginkumpirmar ni Police Captain Joebert Amado, officer-in-charge sang Iloilo City Police Station 5 (ICPS5) sa Mandurriao nga si Rudolph “Bobot” Chavez Dela Rosa, residente sang Pueblo Concepcion, Mandurriao.
Ginserbihan sang warrant of arrest sa kaso nga murder ang suspect sa aksidente nga nagresulta sa pagkapatay sang bana kag pagkabali sang tiil sang asawa nga subong person with disability (PWD) na.
Paagi sa tracker team sang ICPS5, nadakpan si Dela Rosa sa Purok 7, Brgy. Poblacion, Bingawan, sang Hulyo 19.
Preso sa Mandurriao Police Station si Dela Rosa samtang ginaproseso ang iya kaso.
Read background:
