Store attendant sa Iloilo City nakuhaan sang malapit P1 million nga balor sang suspected shabu sa Leganes; Subject nagaserbe nga runner sang PDL sa penal facility sa Iloilo — PDEU

ILOILO — Nagaserbe nga runner sang person deprived of liberty (PDL) ang subject sa drug bust operation sa Barangay Guinobatan, Leganes las-2 kahapon sang hapon.

Subject sa operasyon si alyas Ednie, 23-anyos, tumandok sang Dumangas, Iloilo nga nagatrabaho bilang store attendant sa Iloilo City.

Na-recover sa subject ang gamay kag tatlo ka dalagku nga sachets nga nagabug-at 140 grams.

Suno kay Police Major Dadje Delima, chief sang Provincial Drug Enforcement Unit (PDEU), nahibaluan lang nila nga PDL ang katransaksyon sang ila asset sang ginbuyagyag na sang subject sa operasyon.

Gin-ako ni Delima nga nalikatan nila ang aspeto sa pag-check sang background sang katransaksyon sang ila asset dugang pa nga wala man ini masugid sa ila.

Nagpamalibad ang pulis sa pagbuyagyag kon diin nga penal facility nakakustodiya ang PDL tungod sa ila pagpangusisa may isa pa siya ka upod nga nagatransaksyon sa illegal nga druga.

Ginpabutyag man ni Delima nga nagagamit sang cellphone ang amo nga PDL kag napahibalo na niya ang warden sang penal facility. — Aksyon Maria Kayla Tingzon