ILOILO- Naglab-ut sa P2.4 million nga balor sang suspected shabu ang na-recover sa manugpangisda nga nadakpan sa drug buy bust operation sa Purok 2, Barangay Tabu-an, Estancia.
Sa operasyon, nadakpan si alyas Reno, 62-anyos nga residente sang amo man nga lugar.
Duha ka bulan nga gin-surveillance ang subject pagkatapos sang impormasyon nga nabaton sang pulis nga nagabaligya siya sang illegal nga druga sa Estancia kag kaiping nga kabanwahanan sa fifth district sa probinsya sang Iloilo.
Na-recover sa subject ang apat ka sachet sang suspected suabu kag apat ka knot-tied transparent plastic sachets.
Yara na sa kustodiya sang Estancia Municipal Police Station ang subject. — Aksyon Farrah Mae Morano
