ILOILO CITY — Nakuhaan sang kutsilyo kag balisong ang duha ka high school students sa eskwelahan sa City Proper.
Suno kay Police Captain Jesus Cambay lll, Officer-in-Charge sang Police Station 7 sa Tanza Esperanza, City Proper, na-detect sang naglabay sa metal detector ang duha ka estudyante nga lunsay naga-edad sang 16-anyos.
Ang kutsilyo ang nagalaba sang tatlo tubtob anum ka pulgada. Samtang ang balisong tatlo ka pulgada ang kalabaon.
Gin-rason sang duha ka estudyante nga may naga-tripping sa ila rason nga nagdala sang kutsilyo kag balisong agud madepensahan ang ila kaugalingon.
Pero sang gin-validate sang pulis, wala sila sang makita nga matuod ang alegasyon sang mga estudyante.
May kapulisan nga nagabantay sa guwa sang eskwelahan, suno kay Cambay.
May mga aksyon na nga ginahimo ang eskwelahan kaupod ang kapulisan kag City Social Welfare and Development Office (CSWDO).
Base sa reliable source sang Aksyon Radyo Iloilo news team, ang duha ka estudyante nga nakuhaan sang kutsilyo kag balisong naghalin man sa eskwelahan sang tatlo ka menor-de-edad nga naaktuhan nagagamit sang marijuana kahapon.
