ILOILO CITY — Naglab-ot sa 24 ka High Value Individuals (HVIs) kag 57 ka Street Level Individuals (SLIs) ang nadakpan sang Iloilo City Police Office (ICPO) humalin sang Hulyo 1 tubtob 31.
Base sa datos sang ICPO, 68 ka drug operations ang ginhimo sang ICPO, nagapanguna nga may madamo nga operasyon ang Iloilo City Drug Enforcement Unit, ginasundan sang Police Station 9 sa Jaro, kag nagapangatlo ang Police Station 2 sa La Paz.
Sa kabug-usan, 2,156.8359 grams sang illegal drugs ang na-recover nga may Standard Drug Price nga P14,666,484.12.
“Our intensified anti-illegal drug operations will continue with greater determination. With the strong support of the community, local government units, and our partner law enforcement agencies, we will sustain our efforts and deliver stronger results in our fight against illegal drugs. We remain committed to protecting our communities and ensuring a safer Iloilo City for everyone,” suno kay Police Colonel Wilbert Parilla, director sang ICPO.
