ILOILO— Pilason ang driver sang tricycle sang nabungguan sang awto sa Brgy. Batiti, Concepcion kahapon, Agosto 26.
Suno sa nakakita nga si Raymond Fernandez, nagamaneho siya sang motorsiklo sang nag-overtake ang awto nga halin sa banwa sang Concepcion nag padulong sa Sara ang direksyon.
Pag-abot sa kurbada nga porsyon sang Brgy. Batiti, nakabunggo ang awto sa nag-u turn nga tricycle.
Halin naman sa Sara kag padulong sa Concepcion ang direksyon sang tricycle. Posible may nalipatan ang driver gani nag-u-turn, suno pa kay Fernandez.
Sa paglantaw ni Fernandez, medyo madasig ang pagpadalagan sang awto gani posible wala na-antisipar nga may tricycle nga nag-u turn .
Nagbaliskad ang tricycle kag napilasan ang driver sa ulo kag posible nabali ang abaga.
Wala naman sang pilas ang driver sang awto.
