ILOILO— Na-recover ang P1,033,600 nga balor sang suspected shabu sa drug buy bust operation sa Barangay Rumbang, Pototan.

Apat ang nadakpan nga ginkilala kanday alyas Boyboy, 31-anyos, alyas Abog, 50-anyos, alyas Bo, 59-anyos, kag alyas JK, 27-anyos.

Nakapalagyo naman si alyas Romy.

Nakumpiskar sa operasyon ang pito ka sachet sang suspected shabu nga nagabug-at sang 152 grams.

Ginhimo ini nga operasyon sang Provincial Drug Enforcement Team 2 (PDEU) sang Iloilo Police Provincial Office.

Suno kay Police Brigadier General Randulf Tuaño, Regional Director sang Police Regional Office 6, ang madinalag-on nga operasyon nagapakita sang ka-importansya sang intelligence work, surveillance, mag koordinasyon sang mga operating units.