ILOILO— Nadakpan sa drug buy bust operation ang nagpakilala nga nurse sa Brgy. San Pedro, Molo subong nga gab-i.
Subject si alyas Nene, 43-anyos nga tumandok sang Brgy. Capitol Site, Cebu City.
Suno kay Police Captain Ryan Christ Inot, Officer-In-Charge sang Iloilo City Police Station 5, duha ka semana nga na-monitor ang illegal nga aktibidad sang subject.
Gina-post ni Nene ang illegal drugs sa iya social media gamit ang dummy account. Gingamit ni Nene ang amo man nga account sa pagpang-scam sang alahas gani nakilala siya sang pulis.
Sa operasyon, nakuhaan ang subject sang 15 grams sang suspected shabu nga may standard drug price nga P102,000.
Sa impormasyon, napreso na si Nene sang 2017 tungod sa illegal drugs.
May mga kaso man sadto ang suspek nga Theft, Robbery, Swindling, Estafa kag iban pa.
Sa pagkahibalo sang pulis, nagpadulong ang subject sa Iloilo City sang isa pa lang ka bulan kag nagasaylo-saylo sa mga hotels.
Nagasuksok lang sang scrub ang subject agud makapangtunto pero wala nagatrabaho sa health facility sa Iloilo.
