ILOILO CITY — I-check sang Iloilo City Police Office (ICPO) ang area sa Nabitasan, La Paz tungod sa ginpahayag duha ka lalaki nga nagatambay sa madulom nga porsyon sang amo nga lugar.

Base sa post sang concerned citizen sa Adulting- Iloilo, las-8 sang gab-i samtang naga-jogging sa esplanade, nakita niya ang duha ka lalaki sa madulom nga area.

Tubtob nanotisyaran, nga nagasunod na sa ila ang isa ka lalaki.

Nagaduda ang concerned citizen nga may malain nga plano ang lalaki nga nagsunod sa ila tungod sang may nakita nga iban nga tawo, gulpi lang nadula ang nagasunod sa ila.

Tungod sini, ginapa-aligmat sang concerned citizen ang publiko ilabe na ang mga naga-jogging tungod sa natabo.