ILOILO— Na-recover ang masobra ₱4 million nga balor sang suspected shabu sa drug buy bust operation sa Barangay Quiasan, Balasan kahapon, Sept. 28.
Subject si alyas Tonton, 26-anyos nga tumandok sang Barangay Zaragosa, Balasan.
Suno kay Police Lieutenant John Patrick Alabado, hepe sang Balasan Municipal Police Station, duha ka bulan nga gin-monitor ang subject tubtob gin-operate.
Sa Manila nagatiner ang subject kag nagatrabaho bilang on-call driver sang rent-a-car, suno sa pulis.
Sa imbestigasyon, nagatabok halin sa Manila ang subject para dal-on ang shabu kag ibaligya sa Balasan, Estancia kag Iloilo City. Nagasakay lang sa barko ang subject.
Kaina, na-recover ang 600 grams sang suspected shabu nga may standard drug price nga ₱4,080,000.
